Praeambulum

ntSTINETIO x ISTINCTIONE praecedenti egit de emanatione filij adintra: idipsum hic facit de emanatione spiritussancti adintra perquatuor distinctiones. Primo distinctione praesenti de persona praecedente. Secundo, de processionis origine dist xi. Tertio, de procesfionis ordine quantum ad spirantes dist. xij. Quarto, de processionis ad generationem comparatione dist. xiiij. Vel sic: Agit de proprietatibus personae spiritus sancti quoad personam procedentem: principium a quo procedit: habitudinem spirantium, comparationem ad generationem secundum ordinem. iiij. distinct. Et potest textus sic summari conclusionibus tribus.

¶ Prima conclusio. Licet accipiendo nomen charitas essentialiter, quaelibet personarum diuinarum sit charitas, & una charitas, sicut una sapientia: solus tamen spiritussanctus est charitas procedens.

¶ Secunda conclusio. Charitas procedens non est pater, nec filius: sed utriusque unio, & communio, & nexus amorosus.

¶ Tertia conclusio. Licet pater sit sanctus, & spiritus, & filius similiter: immo sanctusspiritus essentialiter: non tamen personaliter. Declarationem, & probationem propositionum uide in textu