Praeambulum

DISTINCTIO VI IN distinctione sexta post determinationem conuersionis, & auersionis in genere; agit de esfectu consequente. Et primo quoad malos. Secundo distin. vij. simul quoad bonos, & malos. In hac ergo distinct. agit de consequenti ruina, quantum ad ruentium qualitatem, culpam, locum, praelationem, & hominum tentationem. Et potest sententia magistri in tribus conclusionibus summari.

¶ Prinia conclusio. Lucifer angelorum primus, cum aliquibus de singulis ordinibus sibi adhaerentibus per superbiam a deo auersus, in hunc acrem caliginosum, & quam tum ad aliquos in infernum carceraliter est detrusus.

¶ Secunda conclusioSicut in angelis bonis, & hominibus usque in diem iudicij praelationes existunt: ita in daemonibus alius unius prouinciae: alius unius hominis, alius unius uitij praesidentiam usurpare, ad deceptionem hominum non omittunt.

¶ Tertia conclusio. Demone ad unum uitium tentante ab homine pie iusteque uiuente uicto, potestas adimitur tentandi alios in simili uitio.