Praeambulum

DISTINCTIO xxII. DICTVM est de peccato hominis quantum ad diabolum tentantem. In hac distinct. xxij. agit de eodem quantum ad hominem transgredientem. Agit enim de peccato primi hominis quantum ad eius originem ex parte hominis peccantis, grauitatem, & peccantium ignorantiam. Colligitur autem sententia textus in his tribus conclusionibus

¶ Prima conclusio. Non ex simili superbia, qua prodijt peccatum, Euae ortum duxit transgressio Adae.

¶ Secunda conclusio. Mulier quamuis plus uiro peccauit: neutrum tamen ignorantia, quae dissimiliter in utroque fuit: ullatenus excusauit.

¶ Tertia conclusio. Ex diabolipersuasione, & bono hominis liberi arbitrij uoluntas mala prodiit, qua primus parens iustitiam deseruit, & iniquitatem inchoauit.