Praeambulum

DISTINCTIO. XIII. VPERIVS determinauit magister de mysterio incarnationis quantum ad naturae assumptae unionem: & in se, & quantum ad idiomatum communicationem. Consequenter in sequentibus duabus dist. agit de eodem incarnationis mysterio, quantum ad collatam eidem na¬ turae assumptae perfectionem. Et primo agit de collatarum perfectionum plenitudine. Secundo dist. xiiij. de earundem ad diuinas perfectiones comparatione. Colligitur autem sententia huius dist. in his tribus conclusionibus.

¶ Prima. Christus ab instanti suae conceptionis gratiae plenitudinem recepit: in quo spiritus sanctus non ad mensuram: sed diuinitatis plenitudo corporaliter habitauit.

¶ Secunda. Christus alijs non in se sapientia, & gratia proficiebat: quae morosa sui ostensione magis, magisque hominibus apparebat.

¶ Tertia. Christus secundum duplicem sui naturam, duplicem habuit sapientia unam non creatam, sed genitam: aliam creatam, gratuitoque donatam.