Caput 14

"Et ancillae," etc. HIERON. "Aiunt Hebraei hanc mulierem vere duos filios habuisse, et pro haereditate certasse, et alterum ab altero interemptum; mulier tamen se in persona David posuit: et filios in persona Amnon et Absalom: cognationem vero quae consurgit contra filium, in persona aliorum filiorum David."

"In me, Domine mi." ID. "Quasi diceret: quia alter adversus alterum surrexit, in me sit iniquitas, si tamen esse debet; in te autem nulla sit, quia absque culpa es, et sicut ego absque culpa sum, si alter filius meus interfectus est ab altero, sic et tu si Absalom Amnon morte dignum interfecit."