Caput 4

"Ostium." Id est os meum faciat apertum: quod ad hoc datum est, ut inde prodeat verbum. Apertum est, quando multa et magna dicit.

"Tempus redimentes." Id est opportunitatem praedicandi eis, aliquibus modis, praeparantes.

"Ut cognoscat quae circa vos sunt et consoletur corda vestra," etc. Magis cavet qui se videt cognosci, quam qui se videt ignorari.

"Accepistis," quod rediit ad me, et ideo si venerit.

"Facite ut et in," etc. Ex hoc loco intelligimus, quod generales sunt instructiones Apostoli, et ad omnium hominum profectum scriptae sunt epistolae.

"Memores estote," etc. Antequam salutationem ponat, praemittit exhortationem dicens: "Memores," etc.