Caput 39

"Igitur Joseph ductus est in Aegyptum," etc. AUG. in Gen. "Ad ordinem tendit Scriptura unde recesserat, ut illa narret quae supra gesta sunt."

"Fuitque," etc. GREG., lib. VI Moral., c. 11 seq. " Multi humana sapientia inflati, dum desideriis suis divina judicia contrarie aspiciunt, etc., usque ad ejusque pondera leviat, quae volens portat."

"Post multos itaque dies injecit domina," etc. GREG. lib. XXX Moral., cap. 19. " Qui mundi successibus elevatus, etc., usque ad quia enim voluptas ex prosperitate nascitur, ejusdem consideratione feriatur."

"Injecit domina sua," etc. ISID. " Haec figura est Synagogae, etc., usque ad ubi enim veluti puniendus descenderat, inde alios liberavit."

"Qui, relicto in manu ejus pallio," etc. Sic nos tentant carnis illecebrae, et succutiunt vestem carneam: sed vir castus mavult omnia vincula dirumpere, quam se turpitudini subjugare.

Qui relicto, » etc.

GREG.

Allegorice.

Quia dum Synagoga Christum, purum hominem credens, adulterino complexu constringere voluit, ipse tegmen litterae oculis ejus objecit, et ad cognoscendam divinitatis potentiam conspicuum se gentibus praebuit. Unde usque hodie dum legitur Moses, velamen est super oculos cordis eorum, quia scilicet adultera pallium retinuit, et quem male tenebat nudum amisit.