Caput 26

"In die illa," etc. ID. "Hoc ad praesentem Ecclesiam potest referri, et ad diem judicii. Nunc Ecclesia canticum novum cantat: Christi nativitatem, passionem, resurrectionem, ascensionem. Vetus namque est antiquum hominem ad inferna descendere; novum, ad coelum ascendere."

"Urbs fortitudinis." Vox justorum, et nunc, et in futuro.

"Aperite portas." Hoc canticum repente mutat personas.

"Portas." " Justitiae; unde: "Aperite mihi portas justitiae." Portae vitae et justitiae, etc., usque ad et per multas portas ad eum qui dicit: "Nemo venit ad Patrem nisi per me"."

"Pacem." ID. "Repetitio confirmatio est. Hanc habet ille de quo dicitur: "Homo homo filiorum Israel"; et alibi: "Vir vir cujus uxor cubile maculaverit", ut duplex homo et duplex vir pacem consequatur duplicem."

"Conculcabit eam pes," etc. Quia "Omnis qui se exaltat humiliabitur". Etiam ad contrarias fortitudines haec referre possumus.

"Egenorum." HIER. "Apostolorum, quos expulerunt Judaei de finibus suis, qui, Domini imitantes paupertatem privilegium virtutis, ejus consecuti sunt."

"Anima mea desideravit," etc. Non caro; unde: "Sitivit anima mea ad Deum fontem vivum". "Caro concupiscit adversus spiritum".

"Misereamur." ID. "Dominus ad prophetam: An misereamur impio, ita ut discat, scilicet clementiam meam, dum ipse salvatur? quasi, hoc melius est."

"Et non discet justus," etc. Quasi diceret: Quomodo poterit nosse tuam justitiam, expertus tuam clementiam?

"Et non videbit." Dominus ad prophetam, quasi melius est, ut videat, et erubescat de malis suis.

"Et non videbit," quasi diceret: ad poenam sufficit, quia non videbit me regnantem in coelo cum sanctis meis. LXX: "Auferetur impius, ut non videat claritatem Dei."

"Confundantur zelantes." LXX: Zelus apprehendet populum ineruditum.

"Domine, dabis." ID. "Notandum quod postquam opera nostra reddiderit nobis, pacem etiam daturus sit, et quod ideo postulent pacem, quia operatus sit in eis. Dicunt, se, scilicet tormenta, sustinuisse, ut post misericordiam consequantur."

"Domine, possederunt." ID. "Daemones, quos in idolis coluimus. LXX: "Domine, extra te nescimus alium,"non absolute "alium,"sed "extra te:"Pater enim in Filio, et Filius in Patre."

"Tantum in te recordemur." ID. "Non aliud petimus, nisi ut post errores digni simus, qui nominis tui recordemur."

"Perdidisti omnem." ID. " LXX: Masculinum eorum, etc., usque ad memoria masculinum interpretatus est contra illud: "Nolite errare, Deus non irridetur.""

"Nunquid." Non poenitentiam egit, et hoc est: "Nunquid," etc., quasi diceret: Securitas negligentiam, negligentia contemptum parit.

"Et peperimus." Alii distingunt sic: "Et peperimus spiritum, salutem non fecimus in terra."

"Spiritum: salute," etc. Ut tota mente credamus, et per quem beneficia non sensimus, per tormenta discamus.

"Revelabit terra." ID. "Terreni tunc non poterunt celare quos occiderunt, quia tunc omnia aperta; vel, terra quae suscepit sanguinem martyrum et operuit, tunc revelabitur quando resurgent."