Caput 34

"Omnis militia coelorum." HIER. "Sol, et luna, et stellae obscurari videbuntur, clarescente vera luce, quae est Christus. Spiritus quoque mali, amissa potestate, in inferno recludentur."

"Et complicabuntur sicut liber." " Non scilicet interior, etc., usque ad nihil enim postea scribetur in eis."

"In Bosra." ID. "In civitate mundi contra Deum munita. Bosra enim munita, vel ex Deo; mundus enim voluntate Domini firmatur; unde: "Ipse super maria fundavit eum:"et: "Ego confirmavi columnas ejus."Bosram et Edom, Hebraeorum magistri, Romam volunt intelligi, et omnia de ipsa dici quae sequenti continentur capitulo."

"Quia dies ultionis Domini annus retributionis." Post generalem mundi ultionem, ad Jerusalem revertitur, cui primum loquebatur et destructionem ejus plano sermone describit, quae facta est a Romanis.

"Ibis." Avis aquatica serpentibus inimica: has aves dicit Josephus a Moyse delatas in bellum contra Aethiopes; quia serpentes abundant in terra illa per quam aditurus erat.

"Nobiles ejus." Apostoli enim jam transierant ad gentes: alii fideles admonitione Spiritus sancti, imminente captivitate, transierunt Jordanem in regnum Agrippae qui pacem habebat cum Romanis.