Caput 24

"Praecipe filiis Israel." ISICH. " Candelabrum evangelica vita, etc., usque ad ubi misericordes abscondunt thesauros."

"Usque in mane," futuri saeculi: scilicet tunc enim non erit tempus orandi, vel eleemosynam dandi, unde: "Ne dicas amico tuo, Vade et revertere, et cras tibi dabo: nescitis enim quid pariat superventura dies".

"Super candelabrum," etc. Christus, qui est lumen verum "et illuminat omnem hominem venientem." Et "peccatum non fecit, nec inventus est dolus," etc.. Super hunc ardet lucerna, id est Spiritus sanctus, qui in igneis linguis super discipulos apparuit: huic purissimum oleum, id est mundam vitam debemus offerre, scientes quia non omnes possunt incendere illum (scilicet ignem), sed solus Christus et filii ejus, qui plenus Spiritu ait, "Spiritus Domini super me". Qui etiam ait, "Ignem veni mittere in terram, et quid volo nisi ut accendatur?" Hunc insufflans, quasi incendens ait: "Accipe Spiritum sanctum," etc.. Haec autem lucerna non accenditur, nisi per vitam et conversationem mundam, vel accensa cito exstinguitur, unde: "Spiritum nolite exstinguere," etc..

"Accipies quoque." BEDA, lib. I de Tabernac., cap. 7, tom. II. " Duodecim panes in mensa tabernaculi, etc., usque ad ut per labores et opera bona vitae temporalis ad eam properemus."

"Coques ex ea duodecim." ORIG., hom. 13 in Exod. " Sermo Domini panis est, sed multiformis, etc., usque ad panis super mensam ponitur mundam, scilicet super mentem sanctam et puram."

"Ecce autem," etc. ISICH. " Mulier Israelitis, etc., usque ad qui in Christo blasphematur."

"Ecce autem." ORIG., hom. 14 in Lev. " Duo litigant: unus ex integro Israelita, etc., usque ad interdura enim qui foras mittitur, intus est; et qui foras est, intus videtur retineri."

"Miseruntque eum," etc. Moyses non ex auctoritate sua sententiam profert contra blasphemantem, sed Dei praecepto reservans, mittit in carcerem: lex enim odit eum qui blasphemat, contra quem frequenter Trinitatem praedicat, sed non manifeste sicut Evangelium; ideo illum ad judicium Evangelii reservavit. "Qui non credidit in Filium, jam judicatus est", et hujusmodi.

"Homo qui," etc. Locutio est tanquam dicatur: homo ille aut ille, id est quicunque homo. Non sicut quidam putant, homo homo ita dici, tanquam laudabiliter, quasi homo; sed homo homo, id est qualiscunque, velut etiam similis pecori, sed qui vere sit homo, quem sensum non esse verum, sed locutionis hoc esse Scripturarum aperte hic ostenditur, cum in eo dicitur qui culpatur, non qui laudatur.

"Homo," etc. "Si maledixerit Deum suum, peccatum accipiet. Nominans autem nomen Domini morte moriatur;"

AUG., quaest. 87 in Lev. " quasi aliud sit maledicere Deum suum, etc., usque ad notandum est locutionis genus."

ISICH. " LXX: "Homo homo,"etc., usque ad sicut filius Israelitidis nominavit et blasphemavit "(Josue VII)"."

"Qui percusserit et occiderit hominem." LXX: "Qui percusserit animam hominis," etc., id est qui ad iniquitatem traxerit. Animam vero, animalem hominem intelligit, qui non percipit quae sunt Spiritus Dei.

"Qui percusserit animam hominis et mortuus fuerit," AUG., quaest. 88 in Lev. " etc. Non ait, etc., usque ad hoc est enim animam hominis esse percussam."

"Fracturam," etc. LXX: "Contritionem pro contritione," id est, si docendo, suadendo, scandalizando, aliquam virtutem proximi contriverit.

"Dentem pro dente." Virtutem loquendi. Dentes enim pro verbis accipiuntur, unde: "Filii hominum, dentes eorum arma et sagitae," etc.. Et "pulchriores sunt oculi ejus vino, et dentes ejus lacte candidiores". Clariora enim et apertiora sunt verba Evangelii lacte legis.

"Qui percusserit," etc. Haec secundum litteram Judaeis erant necessaria, qui non poterant capere: "Si quis percusserit te in dexteram maxillam, praebe illi et alteram". Sed cum essent malevoli, mala inferre volebant, et non pati. Ideo metu alternae poenae erant a scelere revocandi.

"Et eduxerunt," etc. Experimento ipso egem confirmatam ostendit, ut et tu blasphemare imeres, et peccatum fugeres, quod non solum princeps, sed tota multitudo vindicat. Omnes enim communiter blasphemos debent punire, qui omnium auctori non metuerunt detrahere, et omnes ab eo separare.