Distinctio 70

Ab episcopis alterius ciuitatis clericus ordinari non poterit, nec etiam a proprio absolute ordinandus est: absoluta autem ordinatio Calcedonensi Concilio prohibetur, et uacuam huberemanus inpositionem precipitur; in quo sic statutum est, [can. 6.] :

Neminem absolute ordinari presbiterum iubemus», uel diaconum, nec quemlibet in ecclesiastica ordinatione constitutum, nisi manifeste in ecclesia ciuitatis, siue possessionis, aut in martirio, aut in monasterio, hic qui ordinatur, mereatur ordinationis publicae uocabulum. Eorum autem, qui absolute ordinantur, decreuit sanctas modus uacuam habere manus inpositionem, et nullum tale factum ualere ad iniuriam ipsius, qui eum ordinauit.

Item ex Sinodo Urbani [II.] habita Placentiae [c. I5.] Sanctorum canonum statutis consona sanctientes decernimus, ut sine titulo facta ordinatio irrita habeatur, et in qua ecclesia quilibet titulatus est, in ea perpetuo perseueret.

§. i. Omnino autem in duabus aliquem titularinon liceat, sed unusquisque, in qua titulatus est, in ea tantum canonicus habeatur. Licet enim episcopi dispositioneunus diuersis preesse possit ecclesiis, canonicus tamenprebendarius, nisi unius ecclesiae, in qua conscriptus est,esse non debet.

§. i. Si que tamen capellae sunt, que suis redditibus clericos sustentare non possunt, ea cura ac dispositio preposito maioris ecclesiae, cui capellae subditae esse uidentur, inmineat, et tam de possessionibus quam de ecclesiasticis capellarum offitiis ipse prouideat.

In eodem etiam concilio antiquis nouem prefationibus decima addita est, que ita se habet: Equum et salutare, que et unigenitum tuum S. Spiritus obumbratione concepit, et uirginitatis gloria permanente lumen eternum mundo effudit,Iesum Christum Dominum nostrum