Distinctio 78

Qua uero etate sacerdotes ordinari debeant, Bonifatius Papa diffinit, dicens:

Si quis triginta etatis suae non inpleuerit annos, nullo modo ordinetur presbiter, etiamsi ualde sit dignus.

Item in Nouellis in Authentica de sanctiss. episcopis §. Clericos, apud Iulian. Antec. constit. CXV. c. 19. Nemo presbiter consecretur qui minor triginta annis sit; nemo diaconus uel subdiaconus fiat, qui minor uiginti-quinque annis sit; nemo lectoribus connumeretur, qui minordecem et octo annis fuerit; nemo inter diaconissas consecretur sacrosanctae ecclesiae, que minor sit quadraginta annis, uel ad secundum matrimonium peruenerit.]

Item Leo Papa [ad Episcopos Africanos, epist. LXXXV. cap. i.] Quid est: manus cito inponere, nisi ante etatem maturitatis, ante tempus examinis, ante meritum obedientiae, ante experientiam disciplinae sacerdotalem honorem tribuere non probatis? Et quid est: communicare peccatis alienis, nisi talem effici ordinantem, qualis ille est, qui non meruit ordinari?

Item ex Concilio Neocesariensi, [c. 11.] Presbiter ante triginta annorum etatem non ordinetur, quamuis sit probabilis uitae; sed obseruetur usque adprefinitum tempus. Dominus enim tricesimo annobaptizatus est, et tunc predicauit.

Hoc regulariter, unde et Christus, et Iohannes Baptista, et Ezechiel, et nonnulli prophetarum non leguntur jmedicasse uel prophetasse. Verum, quia et Ieremias etDaniel ante iuuenilem etatem spiritum prophetiae accepisse leguntur, Dauid quoque s et Salomon in adolescentia uncti in-ueniuntur, Iohannes etiam Euangelista, cum adhuc esset adolescens, a Domino in apostolum electus et cum aliis ad predicandum missus inuenitur; Paulus quoque apostolus in adolescentiaa Domino electus, et ad predicandum missus asseritur: ecclesia similiter necessitate exigente nonnullos ante trigesimum annumordinare consueuit.

Unde Zacharias Papa Bonifatio Episcopo, [epist. VI. cuius initium: „Benedictus Deus]:

Si triginta annorum non reperiuntur, et necessitas exposcit, a uiginti quinque annis sacerdotes ordinentur.