Distinctio 80

Loca uero, in quibus primates, patriarchae, archiepiscopi, episcopi, presbiteri sunt ordinandi, hec sunt secundum Lucium Papam, ac Clementem, atque Anacletum.

Ait enim Lucius Papa:

Urbes et loca, in quibus primates presidere debent, non modernis, sed multis ante aduentum Christi sunt statutae temporibus, quarum primates gentiles etiam pro maioribus negotiis appellabant.

§. i. In ipsis uero urbibus post aduentum Christi apostoli et eorum successores patriarchas et primates posuerunt, ad quos episcoporum negotia, salua in omnibus apostolica auctoritate, et maiores causae post apostolicam sedem sunt referendae.

Item Clemens Papa [ad Iacobum epist. I.] In illis ciuitatibus uero, in quibus olim apud ethnicos primi flamines eorum atque primi legis doctores erant, episcoporum primates uel patriarchas poni B. Petrus precepit, qui reliquorum episcoporum causas et maiora negotia in fide agitarent.

§. i. In illis autem, in quibus dudum apud ethnicos predictos erant eorum archi-flamines, quos tamen minores tenebant quam memoratosprimates, archiepiscopos institui precepit.

§. 2. In singulis uero reliquis ciuitatibus singulos, et non plures sepiscopos constitui precepit, qui episcoporum tantumuocabulo potirentur; quoniam nec inter ipsos apostolospar fuit institucio, sed unus prefuit omnibus.

Item Anacletus [epist. III. cap. 2.] Episcopi non in castellis neque in modicis ciuitatibus debent constitui, sed presbiteri per castella et modicas ciuitates atque uillas debent ab episcopis ordinari et poni,singuli tamen per singulos titulos suos. Episcopus nonab imo, sed a pluribus episcopis debet ordinari, et, ut dictum est, non ad modicam ciuitatem, ne uilescat nomen episcopi, sed ad honorabilem titulandus et denominandus est. Presbiter uero ad qualemcumque locum in eo constitutae ecclesiae est preficiendus.

Item Leo Papa [ad Episc. Africae, epist. LXXXV. c. 2.] Illud sane, quod ad sacerdotalem pertinet dignitatem,inter omnia uolumus canonum statuta seruari, ut non inquibuslibet locis, nec quibuscumque castellis, et ubiante non fuerunt, episcopi consecrentur, cum, ubi minoressunt plebes minoresque conuentus, presbiterorum curasufficiat episcopalia autem gubernacula non nisi in maioribus populis et frequentioribus ciuitatibus oporteat presidere, ne, quod sanctorum Patrum diuinitus inspirata uetuerunt decreta, uiculis et possessionibus, uel obscuris et solitariis municipiis tribuatur sacerdotale fastigium.

Item ex Concilio Laudicensi, [c. 57.] Non debere in uicis et uillis episcopos ordinari, seduisitatores, id est qui circumeant, constitui; his autemqui ante hoc ordinati sunt, nichil agere censemus sine conscientia episcopi ciuitatis. Similiter autem presbiteri sine precepto et consilio episcopi nichil agant.

Sedes autem episcoporum non longo interuallo debent disiungi, ut ad consecrationem sui conprouin-cialis sine difficultate® possint occurrere.

Unde Gregorius Augustino Anglorum Episcopo [resp,8.]:

Fraternitatem tuam ita uolumus ordinare episcopos, ut sibi ipsi episcopi longo interuallo minime disiungantur,quatinus nulla sit necessitas, ut in ordinatione episcopi conuenire non possint. Nam episcoporum ordinatio sine aggregatis tribus aut quatuor episcopis fieri nullatenus debet.