Distinctio 91

Qui autem turpi lucro uel inhonesto negocio uictum sibi querere prohibetur, de oblationibus ecclesiae stipendia consequatur. Quod si ecclesia ei sufficere non poierit, proprioartificio uel agricultura (exemplo Apostoli, qui de laboremanuum uiuebat) sibi necessaria inueniat, ita tamen, ut occasionesui operis uigiliis ecclesiae non desit, quod absque inequalitate suicorporis inpune nulli conceditur.

Unde Pelagius Papa:

Eleuterius frater et coepiscopus noster queritur, clericos suos sibi contra canones superbire, et id, quod nobis iubentibus facta in scrinio cautione promisit, ut cottidianis diebus uigiliae in eius celebrentur ecclesia, illis contempnentibus inplere non posse, sed magis unumquemque suis (postposito ecclesiae seruitio) uacare negotiis. Et ideo experientia tuaeos, quos tibi esse ostenderit contumaces, debita obiurgatione conpesce, et modis omnibus uigiliis uacare conpelle.

Item ex Concilio Nannetensi. Presbiter mane, matutinali offitio expleto, pensum seruitutis suae canendo primam, tertiam, sextam nonamque persoluat, ita tamen, ut postea horis conpetentibus et signisdesignantibus iuxta possibilitatem aut a se, aut a scolaribus publice conpleantur. Deinde peractis horis, infirmisuisitatis, si uoluerit, ad opus rurale exeat ieiunus, utiterum necessitatibus peregrinorum et hospitum siue diuersorum commeantium, infirmorum quoque atque defunctorum succurrere possit usque ad statutam horam pro qualitate temporis et opportunitate.

Item ex dictis S. Benedicti:§. 1. Propheta dicente: „Septies in die laudem dixi tibi,“qui septenarius sacratus numerus a nobis sic inplebitur,si matutinae, primae, tertiae, sextae, nonae, uesperaeconpletoriique tempore nostrae seruitutis offitia persoluamus, quia de his dixit Propheta: „Septies in die laudem dixitibi.“ Nam de nocturnis uigiliis idem ipse Propheta ait: „Media nocte surgebam ad confitendum tibi.“ Ergo histemporibus referamus laudes creatori nostro super iudiciaiustitiae suae.“]'

Unde in Concilio eodem Cartaginensi [IV., c. 52. et 49.] legitur . Clericus uictum et uestimentum sibi artificiolo uel agricultura, absque offitii sui dumtaxat detrimento, preparet.

§. 1. Clericus enim, qui absque corpusculi sui inequalitate uigiliis deest, stipendio priuatus excommunicetur.

Item ex eodem, [c. 51. 53. et 48. et 50.] Clericus quilibet uerbo Dei eruditus artificiouictum querat.

Item: §. 1. Omnes clerici, qui ad operandum ualidi sunt, et artificiola, et litteras discant. Qui uero non pro emendo aliquid in nundinis uel in foro deambulant ab offitio suo degradentur. Inter temptaciones autem ab offitio declinantes uel negligentius agentes ab ipso offitio remoueantur.

Item ex Concilio Aurelianensi [I. c. 28.] Clerici uero, qui ad opus sanctum adesse contempserint, secundum arbitrium episcopi ecclesiasticam suscipiant disciplinam.