Quod autem queritur, si illi, qui de incestuosis nascuntur,
filii reputentur, Augustinus in lib. questionum super Leuiticum cap. 77, determinat, ita
dicens:
Caput 1
Non appellantur filii, qui de
incestuosis nascuntur.
Quid est: Quicumque dormierit cum cognata sua, sine
filiis morietur cum filii ex huiusmodi coniunctionibus et ante nati sint, hodieque
nascantur? An hoc intelligendum est lege Dei constitutum, ut quicumque ex eis
nati fuerint non deputentur filii, et nullo parentibus iure succedant?
