Caput 12

¶ De gradu heroico. Cap. XII.

COnsequenter videndum est quid sit gradus heroicus. & differenter loquuntur antiqui doc. de gradu heroico & moderni. Antiqui vt Tho. vocant gradum heroicum quando ratione virtutis / sunt ita sedate passiones quod supra communem hominum facultatem non insurgunt puta propter assuefactionem in operibus virtutis / vel quando parum insurgunt. nam est supra communem hominum facultatem quod non insurgant vel quasi non insurgant passiones. Sed Okam. xv. tertii dicit quod gradus heroicus in vnaquaque virtute est habitus inclinans ad operationem que excedit communem hoim facultatem. vel ex natura obiecti vel ex aliquam circunstantia: hoc est quam communis hominum facultas nolet ita operari. Exemplum primi / vt velle sustinere mortem pro deffenssione reipublice. ex natura obiecti id est mortis hoc excedit communem hominum facultatem Exemplum secundi. vt velle seruare castitatem non obstante morte que probabiliter existimatur futura. vt sortes proponit seruare castitatem proponitur ei mors nisi deserat castitatem: si continuat volitionem seruandi castitatem non obstante tali circunstantia / herioce agit rato ne circunstantie superadiuncte vel superueniem tis ad obiectum sue volitionis / & non heroice agit ex natura obiecti. Pro isto notandum quod imaginatur triplicem actum in isto qui vult seruare castitatem non obstante morte sibi proposita nisi deserat castitatem. vnus est quo fertur in castitatem solum tanquam in obiectum. alius quo fertur in mortem solum. alius quo fertur in vtrumque tam in mortem quam in castitatem. Primus actus non est heroicus: sed duo vltimi sunt heroici / quia feruntur in sufferentiam mortis tanquam in obiectum: sed primus non est heroicus essentialiter id est ex natura obiecti. sed dicitur heroicus extrinsece: scilicet ratione talis circunstantie / quia excedit conem homim faculta tem. ideo ille idem actus inuariatus quia cum maiori difficultate continuatur efficitur virtuo sior. Vltra diceret aliquis. sortes habet istum actum / volo seruare castitatem non obstante morte / sit ita quod proponatur ei mors nisi deserat castitatem / si continuet in ipso necessario causabitur volitio ferende mortis. & ista volitio necessario sequitur ad preambulas volitio nes / scilicet ad volitionem qua vult seruare castitatem non obstante morte &c. ergo de se non habet bonitatem vel malitiam. dicit Occham quod non: sed preambula efficitur melior: quia difficilior / & iste volitiones quam consequuntur naturaliter ad illam non addunt bonitatem vel malitiam. & sic patet de gradibus virtutum.