Titulus 7
TITULUS VII
DE PROBATIONIBUS.
Caput 1
Verba literarum apostolicarum, quibus Papa proprium factum narrat, plene probant, si super illis gratia vel intentio Papae fundatur. Ioann. Andr.
Clemens V. in concilio Viennensi. Literis nostris, quibus nos dignitates quaslibet seu beneficia collationi nostrae vel sedi apostolicae reservasse, aut resignationem beneficii alicuius recepisse, vel recipiendi potestatem alii commisisse, vel aliquem excom-municasse seu suspendisse, seu aliquem capellanum nostrum vel familiarem fuisse, vel alia similia, super quibus gratia vel intentio nostra fundatur, fecisse narramus, censemus super sic narratis fidem plenariam adhibendam, volentes ad praeterita et pendentia, etiam per appellationem, negotia hoc extendi.
