Praeambulum

¶ Distinctio. VI PReterea queri solet.) Postquam ostendit Magister quid est generans et quid est genitum: in quo ostendit quos terminos habeat ipsa generatio. In hac parte declarat modum per quem est ipsa generatio. Et diuiditur pars ista in partes tres. Primo inquirit vtrum pater voluntate vel necessitate genuit filium: et ponit huius questionis determinationem. Secundo contra haec obicit: et ponit sue obiectionis solutionem: ibi. (Sed contra haec opponitur sic.) Tertio reuertitur ad sue determinationis explanationem ibi. (Predicta tamen verba.)