Praeambulum

¶ Distinctio. VII

HIc queri solet a quibusdam.) Supra inquisiuit Magister de terminis generationis inquirendo quid est generans: et quid est genitum: et inquisiuit de quo est generatio et quomodo est generatio. In hac parte inquirit de potentia per quam est silii generatio. Et diuiditur pars ista in partes duas. Primo in quirit vtrum filius possit generare. Secundo vtrum potentia generandi sit in filio: ibi. (Item queritur a quibusdam.) Prima diuiditur in partes quattuor. Primo determinat principalem quaestionem. Secundo opponit contra per auctoritatem: ibi. (Sed vehementer.) Tertio opponit contra auctoritatem per rationem: ibi. (hoc autem non videtur.) Quarto reuertitur ad proponendum praedicte auctoritatis expositionem: ibi. (Quomdo ergo accipietur.) Tunc sequitur pars illa in qua inquirit vtrum potentia generandi sit in filio que ibi incipit. (Item queritur a quibusdam.) Et diuiditur in partes duas. In praema ponit quaestionum et obiectionum contrariarum determinatione. Secundo subdit determinationis maiorem explanationem: ibi. (Ita etiam cum dicitur.)