Circa litteram

CIrca litteram (Non est aliud pater: aliud filius.) Contra videtur sequi alius: ergo aliud. Respondeo. Uerum est in creaturis: in quibus non est distinctio in persona sine distinctione in essentia. In deo autem est distinctioin persona sine distinctione in essentia. (Coeterne sibi sunt tres persone.) Contra sequitur vt videtur. Tres coeterni: ergo tres eterni: sed vt dicitur in symbolo. Non sunt tres eterni. Responsio quod in diuinis. Nomen significans substantiam reperitur secundum triplicem modum. Quoddam enim est significans substantiam per modum substantie: et tale nullo modo debet dici in plurali siue sit substantiuum vt hoc nomen deus: siue substantiuatum: vt hoc nomen eternum. vnde tres persone non debent dici dii: nec plura eterna. Quoddam significat per modum adiacentie: sicut adiectiua adiectiue retenta: et quia talia trahunt numerum a suppositis possunt dici in plurali: et talia sunt verba et participia. Aliud est nomen quod significat substantiam in adiacentia connotando inter relationem mutuam: sicut hoc nomen coeternus: et tale etiam potest dici in plurali.

¶ Unde bene dicitur tres persone sunt coeterne. Splendor qui gignitur ab igne atque diffunditur coeuus est illi. Ex hoc videtur argui quod illuminatio medii sit in instanti. Et quia hoc aliquibus videtur dubium: et aliquibus falsum: ideo glosant auctoritatem sic: vt per splendoremintelligatur ipsa lux existens in sua radice: vel per splendorem intelligunt initium diffusionis ipsius lucis: quod quidem initium in instanti est siue illuminatio medum sit in instanti: siue non. Utrum autem medium illuminetur in in stanti vel non: in secundo libro declarare propono. (Quod ex eo nascitur non potuit aliud esse quam viuens:) quia enim deus est vita: et in vita nihil est nisi viuens non potuit produci a deo in identitate substantie nisi viuens. (Quod ex viuo viuum natum est. Habet natiuitatis perfectionem sine nouitate nature.) Uerum est de. viuo in quo nihil est non viuens: et in quo nihil est in potentia. Et in hoc excluditur generatio in creaturis: vbi aliquando de viuo nascitur non viuum: et aliquando de viuo viuum: quod non habet nature perfectionem: et quod nascitur de creatu ra nascitur cum nouitate nature. (Sacramento natiuitatis.) idest sacro secreto. (Pater enim generatione actor silii est. Nota quod actor proprie non dicit hic causalitatem Unde debet glosari actor id est principium. (Ab eterno aucto re eterna natiuitas est. Contra si illud argumentum ese set bonum: videretur quod etiam sequeretur ab eterno eterna creatio: quod falsum est. Respondeo. Non est simile: quia natiuitas filii dei est de substantia generantis tota. Unde filius nascendo non accepit nouum esse: sed idem esse ab solutum: quod habet pater. Creatura autem non accepit idem esse quod habet creator. Quapropter sequitur quod accepit nouum esse.