Disi. XXXIIII
PRedictis est aduciendum etc. Superius
determinauit magister de
comparatione proprietatum ad personas: et essentiam.
In hac parte determinat de comparatione personarum
ad essentiam. Et diuiditur pars ista in quattuor partes.
¶ In
prima comparat personas ad essentiam quantum ad realem
identitatem.
¶ Secundo quantum ad praedicationem ibi: (hoc
considerandum est).
¶ Tertio quantum ad quorundam attributorum
essentialium appropriationem: ibi. (Ex predictis constat).
¶
Quarto de quibusdam dictis de deo per metaphoram: ibi. (
Preteretea sciendum est). Prima iterum in tres.
¶ Primo ponit
errorem quorundam dicentium personas non esse diuinam
naturam et illius opinionis sophysticam confirmationem.
¶
Secundo ponit ipsorum errantium confutationem. ibi. (hoc
quidem dicunt non intelligentes).
¶ Tertio subdit eorum
per que conantur suam opinionem munire solutionem. ibi.
(Ad naturam ergo rerum). Tunc sequitur illa pars que ibi
incipit Ex dictis et diuiditur in partes tres.
¶ In prima ponit
quorundam atributorum essentialium appropriatione.
¶ 2o reddit
appropriationis rationem: ibi. (Id ergo sacri eloquii).
¶
Tertio determinat huius nominis homousios significationem: ibi.
(hic non est pretermitendum.)
CIrca hanc distinctionem queruntur tria.
¶ Primo de his que
respiciunt persone et substantie comparationem.
