Circa litteram

Circa litteram. (Creator ita relatiue dicitur vt essentiam non significet) non scilicet per modum essentie: vel sub ratione qua essentia: sed sub ratione qua actio et connotat in creatura quandam relationem realem ad deum: et in deo relationem secundum rationem vel secundum dici ad creaturam. (Si nulla essent futura: nulla esset in deo prescientia) hoc magister exponit in littera: et quomodo intelligi debeat mag. patebit inferius quando quaeretur de dei praescientia. (Omnia dicuntur ei praescientia:) quomodo hoc debeat intelligi inferius declarabitur in quadam questione hoc eodem libro.