Circa litteram

CIrca litteram. Uterentur membris sine aliquo pruritu carnis. In hoc non intendit excludere delectationem ab actu carnalis copule sed delectationis inordinationem: potuerunt in paradiso eis esse nuptie honorabiles. Sed cum est modo sint nuptie honorabiles: quare hoc dixerit: Aug. merito quaeritur.

¶ R quod ibi loquitur de nuptiis quantum ad actum carnalis copule coniugum: et honorabilitatem vocat exclusionem verecundie et erubescentie quam modo patiuntur coniuges in illo actu: quapropter. nolunt in illo actu ab aliis conspici. Deus non iusserat. Contra antequam expellerentur de paradiso dictum fuit eis: vt habetur Gen id est crescite et multiplicate.

¶ Rmens quod illud mandatum datum fuit eis: non pro semper cum fuerit praeceptum affirmatiuum: sed pro loco et tempore: quorum determinatio ex reuelatione diuine volutatis dependebat: quae quia deus eis non reuelauerat. Idoeo dictum est: quod non iusserat vnde in paradiso simul carnaliter non conuenerunt. Sed incertum nobis relinquitur vtrum simul transferrentur an per successiones: magis tamen extimandum quod per successiones. Infirmitati mentis congruit hoc infirmitas carnis.

¶ Contra infirmitas carnis fuit in christo: non tamen infirmitas mentis.

¶ Respondeo loquitur de infirmitate concretaex necessitate: teneritudo autem in carne christi non fuit ex necessitate: sed assumpta ex voluntate: quia perfectum vsum membrorum a principio natiuitatis habuisset si voluisset.