Circa litteram

CIrca litteram illam gratiam dei sine qua nihil boni facere possumus non esse dicunt nihil in libero arbitrio: idest nihil aliud dicunt eam esse quam ipsum liberum arbitrium: et hoc est erroneum et hereticum: nihil tam in potestate est quam ipsa voluntas.

¶ Contra facilius potest homo se in corpore humiliare quam in corde.

¶ Respondeo quod quamuis voluntas facilius imperet et moueat membra quam sensitiuum appetitum: tamen non facilius mouet ea quam se ipsam electiue. Unde si humiliat se in motum exteriori et non interiori: hoc non est: quia difficilius sit sibi humiliare se interius quam exterius nisi ratione sensitiui appetitus: dicamus nos semper indigere dei auxilio: non tantum ad hoc quod det nobis gratiam gratum facientem: Sed etiam vt iam gratia gratum facientem informatos moueat ad recte agendum: non tantum modo motione generali sed speciali. Quamuis enim deus infundendo gratiam gratum facientem animam sanet: et eleuet ad operandum opera meritoria vite eterne: que excedunt facultatem nature: tamen quia remanet corruptio et infectio in viribus inferioribus et in intellectu quedam obscuritas ignorantie: adhuc indiget anima ad recte agendum et vsque in finem perseuerandum: moueri a deo: non tantum illa motione generali: sine qua nulla creatura posset aliquid agere: sed etiam quadam motione speciali: non tamen indiget: vt aliquod aliud habituale donum vltra gratiam et habitus qui cum ea infunduntur conferatur sibi ad recte agendum.