Circa litteram

CIrca litteram. Quidam dicunt christum secundum hominemnon esse personam: nec aliquid: primum concedendum est: non enim inquantum homo: est persona: sed 2m ftum est. Inquantum enim homo aliquid est: 2m multiplicem habet rationem. Uult dicere quod hec dictio secundum: cum dicitur christus secundum quod homo: potest nominare concomitantiam: vel causam. Notandum tamen quod cum dicitur christus secundum quod homo: hec dictio secundum magis proprie notat causam quam concomitantiam: et magis proprie causam praecisam: quam non praecisam. Illa tamen persone descriptio non est data pro illis tribus personis: quod est verum: si stricte accipiantur ea que in diffinitione ponuntur: Sed boetius illa large accipit: cum dicit in libro de duabus naturis: et vna persona christi quod persona est rationalis nature indiuidua substantia. Ut autem ipse ens homo sit filius dei per gratiam habet pro tanto scilicet quod filius dei factus est homo non per naturam: sed per gratiam. Non sic dicitur filius natura: sicut dicitur deus natura: dicitur enim deus natura: quasi formaliter: sed dicitur filius natura: propter modum originis: quia producuntur per modum nature. Nature filius: non quia natura ipsum genuerit: quia diuina natura nec generat: nec generatur: sed quia productus est per modum nature. Dici potest christum filium virginis esse natura: vel naturaliter: et gratia: quia inquantum homo est filius virginis natura exponendo: vt supra expositum est: et inquantum deus gratia. Sed non talis hic filius: quia nos sumus filii dei per adoptionem: ipse vero per naturam: et non dicitur filiatio de vtraque praedictarum filiationum vniuoce: nec pure equoce: sed analogice. Origine non adoptione: hoc dicitur contra Nestorium: qui cum poneret in christoduas personas scilicet creatam et increatam: non potuit ipsum ponere filium nisi per adoptionis gratiam. Ueritate non nuncupatione: hoc dici potest contra Sabellium: qui ponebat personas distingui nullo modo realiter: sed nominaliter tantum. Na tiuitate non creatione. Hoc dictum est contra Arrium qui dicebat christum esse creaturam: ita sane: quia filius dei: etiam secundum quod homo: non est filius adoptiuus: vt in quaestionibus ostensum est. Sane dici potest: vult dicere in sua responsione quod concedendum est quod filius dei: inquantum homo: fuit predestinatus: vel quod filius dei fuit predestinatus esse homo: et quod humana natura predestinata fuit: vt persone filii dei vniretur.