Articulus 6

Questio II

PRimo ostendo quod corpus christi non sit totum sub qualibet parte hostie. partes corporis christi distincte sunt et ordinate. Sed si omnes essent simul sub qualibet parte hostie essent inordinate et confuse: ergo corpus christi non est totum sub qualibet parte hostie.

¶ Item intentio confecrantis non refertur ad quamlibet partem hostie: sed ad totam simul. Sed intentio consecrantis requiritur ad hoc vt ibi sit corpus christi: ergo virtute consecrationis quamuis sit totum sub hostia: non tamen sub qualibet eius parte

¶ Item quamuis imago reluceat in qualibet parte speculi fracti: non tamen est tota in qualibet parte speculi integri: ergo a simili quamuis corpus christi sit totum in qualibet parte hostie fracte: non tamen in qualibet parte hostie integre.

Contra. Innmo de offi. mis. parte. 3. c. 9. Reor salua fidei maiestate quod vbi panis est consecratus sub tota specie totum corpus existit: sic enim miraculose totum corpus singulis partibus continetur. Et parum post sequitur. Quoniam in quotcumque partes specles diuidatur sub singulis partibus totus est christus.

¶ Item corpus est ibi pter hoc quod panis transubstantiatur in ipsum. Sed quelibet pars panis est panis cum sit totum homogeneum: ergo quelibet pars panis transubstantiatur in corpus totum: sed sub qua libet parte speciei erat pars substantie panis: ergo post transubstantiationem sub qualibet parte speciei est corpus totum.

Respondeo quod corpus christi totum est sub qualm parte hostie. Si enim pars et non totum esset sub parte. sequeretur quod corpus christi commensura retur hostie: contentum enim cuius vna pars est sub vna parte continentis: et alie partes sub aliis partibus commensurantur continenti: corpus autem christi speciei non commensuratur: vt superius habitum est: nec ex dictis sequitur corpus christi in sacramento contineri ab infinitis: quia quamuis continuum sit diuisibile in partes sine fine tamen cum sunt in continuo non habent actualem distinctionem inter se: nec sunt actu plura: sed vnum. Unde nec dicimus animam esse in infinitis in actu: quamuis sit in qualibet parte corporis tota.

Ad primum in oppositum dicendum quod partes corporis christi habent esse distinctum et ordinatum in suo toto: sed non per comparationem ad speciem continentem: vnde ex hoc non sequitur quod partes corporis sint inordinate et confuse.

¶ Ad secundum dicendum quod cum inentio consecrantis fertur ad panem: et quelibet pars panis sit panis implicite saltem fertur ad quamlibet partem panis.

¶ Ad tertium dicendum quod illud quod videtur in speculo non est imago: sed ipsa res. Unde homorespiciens in speculo seipsum videt per lineam reflexam: et quia ab vna superficie continua sit continua refiexio: ideo inspeculo integro non videt nisi vnum. Cum autem speculum fractum est: quia superficies discontinuata est: fiunt distincte reflexiones: et ideo vna res videtur plures res: non est ergo intelligendum quod species que reflectebatur a superficie continua per fractionem speculi distinguatur in duas: sed a qual ibet parte speculi fracti sit reflexio noua. Si autem corpus christi non esset sub qualibet parte hostie ante fractionem post fractionem non posset esse sub qualiber virtute fractionis illius.

¶ Argumenta ad partem aliam concedenda sunt: et valent ad declarationem questionis.

Questio II.

SEcundo queritur vtrum corpus christi sit sub quolibet indiuisibi li ipsius hostie.

¶ Respondeo quod non. Sicut secundum philosophum. 4 phyInstans non est tempus nec pars temporis: neque secundum ipsum sexto phy. Punctus non est linea nec pars linee: sic dico quod nec linea est superficies nec pars superficiei: nec superficies corpus nec pars corporis. Cum ergo corpus christi sub sacramento non sit nisi in ipsa specie et partibus eius: non debet concedi quod sit in aliquo puncto: nec in superficie: nec in aliqua linea ipsius hostie: accipiendo punctum proprie secundum quod est aliquid simpliciter indiuisibile: et lineam secundum quod est longitudo sine quacumque latitudine: et superficiem secundum quod est latitudo sine quacumque spissitudine. Concedendum est tamen corpus christi esse sub superficie ipsius hostie inquantum continetur sub illa specie: sed non est idem esse in superficie: et sub superficie coutineri nisi vocetur esse in supersicie: esse insra ambitum superficiei continentis: sicut dicimus quod spera ignis est in spera lune: quia continetur ab ea.