Illud etiam sciri oportet, quia cum supra dictum sit, Imaginem
relative dici de Filio, sicut Verbum vel Filius, interdum tamen
reperitur secundum substantiam dici.
Unde Augustinus in libro De fide dicit, quod una est
sanctae Trinitatis essentialiter divinitas et imago, ad quam factus
est homo.
Hilarius etaim in V libro De Trinitate sic ait: "Homo fit
ad communem imaginem. Nomen non discrepat, natura non differt;
una est enim ad quam homo creatus est species." Ex his ostenditur, quod imago aliquando essentiae intelligentiam facit, et tunc
ad se dicitur et non relative.
