Capitulum 4

Attende quod hic dicit Augustinus tenebras non aliquid esse, cum alibi tenebrae inter creaturas ponantur quae benedicunt Dominum, ubi dicitur: "Benedicite lux et tenebrae Domino". Ideoque sciendum est, tenebras diversis modis accipi, scilicet vel prolucis absentia, qualiter supra Augustinus accepit, iuxta quam acceptionem non sunt aliquid; vel pro aere obscurato sive aeris obscura qualitate: et secundum hoc aliquae res create sunt. Ideo igitur dicit, tenebras fuisse tunc "super faciem abyssi", quia nondum erat lux, quae si esset, superesset et superfunderetur; sed nondum lucis gratia opus suum Deus venustaverat, quae postea in primo di formata est.