Angeli vero et Sancti, qui iam cum domino feliciter vivunt, atque ita gratia
beatitudinis confirmati sunt, ut ad malum flecti nee velint nec possint, libero arbitrio
non carent.
Unde Augustinus in libro XXII De civitate Dei ait: "Sicut prima immortalitas fuit, quam peccando Adam perdidit, posse
non mori; ita primum liberum arbitrium posse non
peccare; novissimum non posse peccare b".
Idem in Enchiridio: "Sic oportebat prius hominem fieri, ut bene velle posset et
male; postea vero sic erit, ut male velle non possit, nec ideo carebit libero arbitrio".
