Capitulum 3

Et sicut in praedictis Angeli differebant, ita et quaedam communia et aequalia habebant: quod spiritus erant, quod indissolubiles et immortales erant, commune omnibus erat et aequale; in subtilitate vero essentiae et intelligentia sapientiae et libertate voluntatis differentes erant. Has discretiones intelligibiles invisibilium naturarum ille solus comprehendere potuit et ponderare, qui cuncta fecit "in pondere, numero et mensura."