Capitulum 3
Capitulum 3
De viro, qui se facit servum, ut dividatur ab uxore.
Illud etiam notandum, quod si mulier "virum liberum acceperit, et ille, ut causam praestet dissidii, se alicuius servum fecerit, nec uxorem dimittere, nec illa ob vinculum coniugii in servitutem redigi poterit".
Unde illud: "Perlatum est ad sanctam Synodum, quod quidam ingenuus ingenuam acceperit uxorem, et post filiorum procreationem, occasione divortii, cuiusdam sese servum fecerit. Utrum mulierem necessario tenere debeat, et si tenuerit, an illa etiam servituti subiici debeat, quaesitum est. Indicatum est, uxorem minime debere dimitti, non tamen ob Christi legem mulierem in servitutem redigi, dum ille non ex consensu coniugis servum se fecerit, quem liberum ipsa maritum acceperat".
On this page
