Quod non consumentur malorum
corpora, quae tunc ardebunt.
Si vero quaeritur de corporibus malorum, quomodo in igne
ardeant et non consumantur, Augustinus variis exemplis
astruit, et sempiternis ignibus ea ardere et non consumi illa combustione;
sicut animus, cuius praesentia vivit corpus, et dolorem pati
potest, et mori non potest. Hoc enim erit tunc etiam in corporibus damnatorum, quod nunc
esse scimus in animis omnium.
