Capitulum 1

Solet etiam quaeri, in qua forma Christus iudicabit.

In forma utique servi indicabit, quae omnibus in iudicio apparebit, ut videant mali, "in quem pupugerunt". Divinitatem vero eius mali non videbunt; unde Isaias: "Tollatur impius, ne videat gloriam Dei." "Humanitatem videbunt, ut timeant; Divinitatem vero non, ne gaudeant: Divinitas enim sine gaudio videri non potest".