Hic etiam ante alia consideranda occurrunt quatuor, scilicet
institutio, forma, Sacramentum et res.
Sacramentum Dominus instituit, quando post typicum agnum corpus
et sanguinem suum discipulis in Coena porrexit.
Unde ait Eusebius Emisenus: "Quia corpus assumtum ablaturus erat ab oculis et illaturus sideribus, necesse erat, ut
die Coenae Sacramentum nobis corporis et sanguinis consecraret, ut coleretur per mysterium
iugiter, quod semel offerebatur in pretium".
