Canon 13

13. Ne nimia religionum diuersitas grauem in ecclesia Dei confusionem inducat, firmiter prohibemus ne quis de cetero nouam religionem inueniat, set quicumque uoluerit ad religionem conuerti, unam de approbatis assumat. Similiter qui uoluerit religiosam domum de nouo fundare, regulam et institutionem accipiat de religionibus approbatis. Illud etiam prohibemus ne quis in diuersis monasteriis locum monachi habere presumat, nec unus abbas pluribus monasteriis presidere.