Canon 15

15. A crapula et ebrietate omnes clerici diligenter abstineant, unde uinum sibi temperent et se uino, nec ad bibendum quispiam incitetur, cum ebrietas et mentis inducat exilium et libidinis prouocet incentiuum. Vnde illum abusum decernimus penitus abolendum, quo in quibusdam partibus ad potus equales suo modo se obligant potatores, et ille iudicio talium plus laudatur qui plures inebriat et calices fecundiores exhaurit. Si quis autem super hiis se culpabilem exhibuerit, nisi a superiore commonitus satisfecerit competenter, a beneficio uel officio suspendatur.