Canon 20

20. Statuimus ut in cunctis ecclesiis chrisma et eucharistia sub fideli custodia, clauibus adhibitis, conseruentur, ne possit ad illa temeraria manus extendi ad aliqua horribilia uel nefaria exercenda. Si uero is ad quem spectat custodia, ea incaute reliquerit, tribus mensibus ab officio suspendatur, et si per eius incuriam aliquod nefandum inde contigerit, grauiori subiaceat ultioni.