Canon 36

36. Cum cessante causa cesset effectus, statuimus ut siue iudex ordinarius siue delegatus aliquid comminando uel interloquendo protulerit, quo executioni mandato alter litigantium grauaretur et, sano usus consilio, ab huiusmodi comminationis uel interlocutionis effectu destiterit, libere in cause cognitione procedat, non obstante si a tali comminatione uel interlocutione fuerit appellatum, dummodo non sit ex alia legitima causa suspectus, ne processus negotii friuolis occasionibus retardetur.