Canon 41

41. Quoniam omne quod non est ex fide peccatum est V synodali iudicio diffinimus ut nulla ualeat absque bona fide prescriptio tam canonica quam ciuilis, cum sit generaliter omni constitutioni atque consuetudini derogandum que absque mortali non potest obseruari peccato. Vnde oportet ut qui prescribit in nulla temporis parte rei habeat conscientiam aliene.