Canon 69

Cum sit nimis absurdum ut christi blasphemus in christianos uim potestatis exerceat quod super hoc Tholetanum concilium prouide statuit nos propter transgressorum audaciam in hoc generali concilio innouamus prohibentes ne Iudaei officiis publicis praeferantur Si quis autem eis tale officium commiserit per prouinciale concilium quod singulis annis praecipimus celebrari monitione praemissa districtione qua conuenit compescatur Officiali uero huiusmodi tamdiu christianorum communio in commerciis et aliis denegetur donec in usus pauperum christianorum secundum prouidentiam dyocesani episcopi conuertatur quicquid fuerit a christianis adeptus occasione officii sic suscepti et officium cum pudore dimittat quod irreuerenter assumpsit Hoc idem ex tendimus ad Paganos