Praeambulum

DISTINCTIO XXX. DE HOMJNE QVANTVM AD LAPSVM PER PECCATVM.

In superioribus insinuatum est, &c. In ista Distinctione xxx. Magister inducit ad determinandum de homine, quantum ad lapsum per peccatum; & primo quantum ad peccatum originale, quod Adam transfudit in posteros. Et quia Magister in hac Distinctione ostendit modum, quo fit naturalis hominum propagatio, vt habeat modum, quo originale peccatum transfunditur: ideo quaero ad euidentiam istius Distinctionis de duobus: primo quantum ad modum propagationum hominum, quaero: Vtrum alimentum transeat in virtutem humanae naturae: secundo de peccato originali in se: Vtrum peccatum originale sit culpa, vel paena.