Praeambulum

DISTINCTIO XXXIII. DE PECCATOORJGJNALJ QVOAD PVNJTJONEM & paenam pro eo infligendam.

In ista Distinctio xxxiij. agit in genere de Peccato Originali, quoad punitionem, & paenam pro eo infligendam. Jdeo quaero hic: Vtrum paruuli decedentes in peccato puniantur paena sensus, & arguo, quod sic, quia hoc videtur dicere Augustinus expresse in Enchiridion regula 24. vbi dicit: Firmissime tene, quod omnes qui in peccato originali decedunt, aeternis ignibus cruciabuntur. In oppositum est communis sententia Ecclesiae, quae dicere videtur oppositum. Respondeo, de primo videndum est: Vtrum paruuli decedentes in criginali patiantur paenam sensus. Secundo videndum est, qualis est eorum status, & situs.