Praeambulum

DISTINCTIO VI DE SOLEMNITATIBVS BAPTISMI.

Nunc quibus liceat baptizare, &c. In ista sexta Disttinctione Magiser agit de septem scilicet, quibus liceat baptizare: secundo de suscipientibus, quos scilicet liceat baptizare: & tertio de forma verborum, vtrum si verba proferantur corrupte, vel diminute, exprimatur vera forma: & quarto de certitudine habenda: & quinto de intentione baptizantis: & sexto de ritu, & quibusdam obseruationibus, quae ab Ecclesia tenentur in Baptismo: & septimo de quibusdam praeuijs ad Baptismum, scilicet Cathechismo, & Exorcismo, & cum de quinque primis sit determinatum in praecedentibus sufficienter, ideo circa duo reliqua quaero duas quaestiones.

Prima est: Vtrum obseruantia, quae est ordinata in Baptismo quo ad solemnitatem, sit congrue instituta.

Secunda est: Vtrum Cathechismus, & Exorcismus sint proprie Sacramenta.