Praeambulum

DJSTJNCTJO XLJV. DE MODO RESVRGENDJ & poena damnatorum.

Solent etiam nonnulli perscrutari. In ista Distinctione Quadragesimaquarta Magister agit de modo resurgendi, comparando illud, quod fuit de substantia naturae ante mortem, ad illud, quod resurget in resurrectione; agit & de poena spirituum, & corporum damnatorum, ideo in praesenti Distinctione, quaero quatuor quaestiones.

1 Prima est: Vtrum materia, quae suit de veritate humanae naturae, resurgat in duobus, vel in altero. 2 Secunda est: Vtrum spiritus incorporei possint pati ab igne corporeo. 3 Tertia est occasione huius de dote impassibilitatis. 4 Quarta est: Vtrum corpora damnatorum patiantur ab igne infernali, passione reali tantum, vel vtraque.