Praeambulum

NNCIPIT OSTENDERE QVoMoDo. Per creaturam potuerit cognosci Creator. Distinct. III.

DIVISIO PRIME PARTIS TEXTVS. APostolus namque &c.] Postquam ostendit Avnitatem, & Trinitatem per scripturas, hic probat per creaturas. Et primo probat vnitatem per se, per rationes naturales. Secundo Trinitatem per se per vestigium creaturarum. [Nunc restat] Tertio vnitatem & Trinitatem simul, per imaginem creaturarum rationabilium. [Nunc vero ad eam.

In prima parte probat unitatem per quatuor. rationes, quarum prima sumitur a creaturarum. magnitudine: secunda a creaturarum mutabilitate. [Alio etiam modo] Tertia a creaturarum. differenti. bonitate. [Considerauerunt &c. Quarta a creaturarum speciositate. [ Intellexerunt &c. ] Prima penes causam efficientem secunda penes materialem; ex qua inest mutabilitas; tertia penes causam finalem; quarta penes causam formalem: Per primam ostenditur omni potentia Dei; per secundam aeternitas Dei; per tertiam summa bonitas Dei; per quartam summa sapientia Dei.

[Nunc restat. ] In hac secunda parte principali primo ostendit, qualiter est vestigium Trinitatis in creaturis: secundo qualiter per illud cognoscatur Trinitas Creatoris [In illa enim Trinitate summa] Tertio ostendit imperfectionem huius cognitionis. [Ecce ostensum.