primus est per viam abnegationis respectu personarum dicentia imperfectionem aptitudo negationem infinitatem talibus ut videlicet non dependens non mutabilis Et si sit praedicata generalia quae dicantur de omni creatura ut esse mutabile dicendum est quod omne tale praedicatum est adaequate supponens cum negatione infinitate praecedente pro deo et ista est prima per quam possumus habere notitiam de deo / et istam viam tenuit rabi moyses et multi alii quod non habemus conceptum de deo quia unicum nomen dei est scilicet tetragramaton quatuor litterarum sic quod non habemus alium conceptum de deo

Alius modus habendi est quod habetur aliquis conceptus communis sub quod continetur sicut conceptus communis

3us modus est apponendo plures conceptus sicut primum et ens si iungatur supponunt pro deo convertibiliter / et isti modi sunt imperfecti cognoscendi deum

Sed ponuntur alii 3es modi quolibet quorum cognoscitur deus proprius

nam fuit heri praemissum de praedicatarum essentialium subordinatorum ordine materiae absolutarum quia quaedam sicut quae dicunt perfectionem absolute et priora minorem posteriora uno maiorem / ut quia res est capitur conceptus simplex absolutus et deus est

et ideo ille conceptus est conceptus absolutus conveniens deo 2o si esset unica species quae praecise haberet esse conveniret sibi ista denominatio et nulla alia 3o debemus ymaginari aliam perfectiorem et quia excedit aliam potest abstrahi conceptus generalis supponens pro qualibet habente talem perfectionem / tamen excludit primam / et sic quot erunt species tot erunt praedicata perfectionalia fabricativa licet non sint fabricata et procedunt in infinitum secundum ordinem specierum quia quot species deus potest facere tot praedicata possunt fabricari ab intellectu et si supprema species sic producibilis ultimum praedicatum est sibi communicabile et se extendit praecise ad deum et ad se et primum praedicatum ad omnia et quilibet praedicatum distans minus

Ab ultima specie paucioribus convenit sicut si capiatur species immediata primae conveniet praecise cum tribus et sic descendendo secundum hoc erit numerus praedicatorum / et retro?do semper habebunt finitis species quanto veniet versus finam praedicatum convenientissimum tantus habebunt plures species

Item si ens sit genus generalissimum habebit plures species quam aliquod praedicatarum feq?cuo 2m praedicatum pauciores

Unde sciendum est quod istud ad multa confert quia primo confert ordinem et iudicat specierum universi quoniam secundum habituationem praedictarum et habitudo rerum

2o confert ad cognoscendo materiam de specierum perfectione / quia ex quo indicat ordinem summe confert / et forte eadem est proportio Sed quanto res habet p?ra praedicata tanto est perfectior

3o confert ad sciendum nomina dei quia quodlibet istorum convenit deo / et isto modo habuerunt notitiam philosophi de deo

4o valet ad intellectum materiae ydearum tam secundum theologos quam platonicos / quia secundum hoc ponuntur ydeae factivae in deo vel secundum ymaginationem platonicam ymaginatus est quod deus secundum istas diversas rationes sint quidditates rerum

Item valet ad intelligendum materiam de formalitatibus rerum quia secundum hoc ponuntur distinctiones formales in deo / nam doctores ponunt quod esse est eiusdem rationis in quolibet / 2o quod vivere sit distinctum a parte rei ab esse et abstracte sumptum et eiusdem rationis / concurrunt tamen ydemptitate Et sic secundum ordinem praedicatarum est distinctio ex parte rei vel natura sui licet non sit summa quia maior est qua differenter essentialiter Et licet esse ens et vita sicut idem concederetur tamen quod addito quod distinguerentur formaliter et etiam quantum ad habendum demonstrationes inmediata

Inter quantum ad propositum spectat ymaginandum est quod secundum ista praedicata perfectionem dicentia a quolibet illorum abstrahitur conceptus singularis proportionalis aliud huiusmodi praedicatum a quo abstrahitur sicut ens est praedicatum communissimum ita intellectus potest abstrahere conceptum singularem a conceptu entis et sic significabit rem secundum rationem secundum quam est ut eius non ab alio Et si poneretur distinctio formalis tunc est prima distinctio formalis

Et guillemus parisiensis dicit quod esse est conceptus mere singularis unde esse aliquando significat proprie creaturarum et improprie attribuitur deo Sed tunc dicunt aliqui quod deus est super ens videlicet beatus dyonsius et ita de aliis Tamen a notitia potest esse econversus et tunc realiter sunt singularia et ita dicit guillelmus parisiensis quod esse est proprium nomen dei et allegat illud scripturae dictum "Ego sum qui sum" et sic aliquando hoc esse significat principaliter deum esse et sic esset terminus singularis Aliquando econverso et sic esset terminus communis et si sit communis poterit fieri abstractio respectu huius et ita diceretur de quolibet alio Ita quod primo sumendo pro deo esset termini singulares supponendo primo quod creatura essent termini communes possent tamen abstrahi sic quod essent singulares

Et sic esset ordo praedicatorum in deo secundum hoc scilicet primo ens 2o vivens et perfectius repraesentat deum quam prius et 3us esset intelligens etc Et iste et primus modo abstrahendi conceptus proprios dei et in isto ordine est processus in infinitum sicut in communibus et dato ultimo praedicato correspondente ultimae intelligentiae illud esset ultimum et daretur ulterius absolute scilicet respectu deitatis includens omnes alios et esset species specialissima infinite distans argueretur generalissimo Sed utrum a nobis posset abstrahi potest dici quod non

2us modus esset combinando plures conceptus simul sicut esse vivere intelligere ex multis potest elici conceptus et erit perfectiori quanto a pluribus denominationibus elicietur et quia potentia nostra est limitata ideo dare multitudo perfectionum ex quibus eliceretur maximus qui posset a nobis haberi secundum hoc

3us est datis notitiis complexis vel incomplexis combinatis ex ipsis potest elici simplex et singularis conceptus dei Et licet quaelibet notitia non per se sufficeret ad causandum notitiam dei actualem tamen tota congeries plurium habet talem habitudinem quod tenet locum speciei sufficienter repraesentative dei unde alias dixi quod quaelibet notitia simplex quantum est de se sufficienter gereret notitiam dei si potentia esset perfecta / et forte quod simplex notitia sufficeret in angelo

et ergo secundum diversis modos combinationum secundum hoc producerentur diverseae notitiae / et sic si meliotur combinationes et notitiae et si fieret consimiliter remaneret eadem notitia