Lectio 60, de Trinitate

Et primo recitabitur oppinio de rippa / deinde oppinio doctoris subtilis Ulterius ponetur oppinio sustinibilior et secundum ymaginationem verior

Et in primo notandum est quod circumscripto opere ipsius intellectus in re ad extra inveniuntur 4or diffinitiones sive 4or modo distinctionum

primus modus est essentialis scilicet quando duae essentiae sunt et una non est alia

2us modus minor scilicet realis non essentialis quando aliquae res sunt eidem essentia et tamen una non est alia licet stet cum ydempticae essentiae minor tamen est in hoc nam licet a non sit b tamen sunt idem univoce et talis conceditur theologis

et ab omnibus fidelibus sicut sunt primae in trinitate sunt 3es res et tamen sunt idem unde licet pater non sit filius sunt tamen idem sumendo idem in neutro genere

3us modus sive gradus distinctionis est distinctio rationum formalium quae quidam distinctio minor est aliqua duarum praedictarum In prima non essentia de essentia / In 2a res dere In 3a autem non Unde capiamus ad ymaginationem bonitatem divinam et eius sapientiam certum est quod contra primam distinctionem bonitas et sapientia sunt idem in alia sic / unde conceditur quod bonitas non est formaliter sapientia a parte rei nec intellectus divinus formaliter est bonitas divina / et sic secundum ordinem praedicatorum essentialium est ordo formarum unde a convenientia rei potest sumi conceptus et esset ens transcendens

Et secundum istum processum ymaginatur de rippa quod in deo sint diversitates a parte rei non tamen talis quod vi diffinitionis unum negetur de reliquo sed absolute et affirmative dicitur verificari conceptus talis ut in esse vitae et esse etc unde ymaginandum est quod sicut est diversitas personarum in praedicando ita est diversitas obiectalis Et isti modi sunt proportionales conceptus unde sciendum est quod deus alio modo se habet in esse entis et in esse vitae / unde sicut variatur in praedicando ita etiam obiectaliter unde licet huiusmodi formalitates sic sumptae quaedam distinguantur ab aliis tamen concurrunt unitive et ydemptice quia una res est alia unde sicut est diversitas in ratione conceptuum ita etiam in ratione obiectalium

4us gradus est plurium graduum eiusdem formalis rationis unitive concurrentium verbi gratia ymaginatur quod ratio obiectalis intensior est alteri et alteri unde ymaginatur quod tota ratio entis sit eiusdem in omnibus unde esse quod habet sortes et esse in lapide est omnino eiusdem rationis adaequate et tamen in intensiori gradu in omnibus Et secundum hoc terminis / transcendentibus correspondet rationes formales compositae ex entitate eiusdem rationis Ita quod nobiliorem gradum habet homo quantum ad rationem formalem quam alii et lapis et angelus quam homo

Unde ymaginatur idem quod tota latitudo entium sit infinita unde ascendendo per similas species oportet quod sit intentio specierum et iste est minimus gradus distinctionum quia sunt eiusdem rationis distinguuntur minori distinctione Ista tamen materia difficilis est ad ymaginandum Unde ut melius videatur ymaginemur quod triangulus quadrangulus sint idem localiter substantialiter et tamen cuius licet remaneat sua forma et non ydemptificatur in esse fine sic esset ymaginatio de distinctione formalitatum unde triangulo remanet sua formalis ratio et quadrangulo similiter

Secuntur ulterius conclusiones quas de rippa ponit