Lectio 67, de Trinitate

Consequenter ponuntur aliquae propositiones seu conclusiones

et ista est ymaginatio adae

Consequenter ymaginandae sunt habitudines respectu ipsius formae nam tales habitudines sunt multiplices

Prima dicitur educativa 2a emis?va formae

3a est inhaerentia ipsius scilicet materiae ad ipsam formam quia maiorem dicit perfectionem quam altera

alia informationis et ponit conclusiones quod una potest stare sine alia Sed nihilominus sibi contradicitur maxime quantum ad formam inhaesionis et informationis

Et infert ipse adam quod anima intellectiva non inhaeret materiae Sed dico contra nam licet anima non educatur de potentia materiae inhaeret tamen corpori tamquam suo subiecto et per consequens sua conclusio falsa

Et instatur contra quoniam forma talem habet materiae inhaesionem quod quasi videtur habere ab ipsa materia dependentia igitur contra eum

Respondetur tamen quod duplex est in forma sine anima conditio una est appetitus suae communicationis alia appetitus subsistentiae principalis Et sic ex utraque consurgit quod forma se habet ad materiam tamquam medium et sic per unionem ipsius materiae constitur habitudo ipsius ad materiam quamvis ab ea non dependeat

Ex quo sequitur quod deus non potest formaliter influere quia dicit tendentiam alterius modo hoc summe voluntati et simpliciati videtur repugnare et etiam perfectioni igitur

2o influxus simul dicit carentiam sed impossibile est deum carere ratione suppositabili igitur

3o influxus formalis quantum ad formam substantialem vel influxum formale dicit partialitatem substantiae totalis modo deo repugnat influxus ad aliquod totum et esse pars illius

4o talis influxus dicit gradum limitatum vel adhuc si daretur supprema intelligentia igitur de ratione talis influxus est influere secundum esse limitatum sed deo repugnat

Ulterius sequitur corellarie quod deus non potest materialiter influere patet ex dictis de materia cuius influxus est imperfectior formali igitur si formalis deo repugnat et materialis formari ratione

Ulterius sequitur quod in unione ypostatica forma non habet habitudinem materiae Unde patet quod licet doctores dicant quod sic habeat / hoc tamen est propter similitudinem in eis reperta quoniam consurgit quod formaliter sortes denominetur homo Exemplum tamen ponitur non quod sit ipsa materia sit homo / quia materia non recipit denominationes concretivas sed est de natura susistentiae

Unde verbum incarnatum nec habet habitudinem materiae nec formae sed subsistentiae Et sic est unio ad unam personam et non ad aliam denominata ulterius debemus scire quod non stat aliquam personam ad aliquid concurrere quin alia concurrat et hoc de personis individue et beatissime trinitatis Et sic illa unio non est reducibilis ad aliquod genus causae secundum quod fit subsistentia principalis et hoc sufficit

Ulterius sequitur quod licet sit subordinatio essentialis causarum efficientium et finalium cuiuscumque latitudinem deus tenet etc patet quia deus concurrit et alia causa non

et sic fluxus increatus non dependet ab influxu creato Et eodem modo diceretur de influxu materiali quod non dependent sic in genere ab aliquo creato Utrum tamen inter ea sit ordo oppinio est inter doctores nam si ponamus ordinem processus erit sicut in causis efficientibus et sic ultima esset perfectissima sicut patet de anima rationali et anima animalitatis quae est minus perfecta prima et ita in subordinatione materiali esset

Et ita sicut aliqui ymaginatur in elementis / Et ideo rabbi moyses ponit 12 elementa ex quibus generantur mixta et sic essent subordinationis influxus quod non est ponendus

Et sic dictum sit de subordinatione causarum et influxu formarum et de ceteris motis

Sequitur prima conclusio lectionis super distinctionem 17am videlicet quod deus formavit hominem quo ad corpus non quo ad anima sed creavit

2a conclusio dato quod anima adae et cuiuslibet hominis sit a deo nihilominus non dicitur esse aliquid dei

3a conclusio adam in statu innocentiae nescivit casum suae praevaricationis quoniam si scivisset evictasset

4a conclusio adam factus est in aetate virili et perfecta et in optima dispositione secundum omnes naturales complectiones etc et non ex seminali fluxu nec eductus de potentia materiae sicut et animalia Et illam theologi vocaverunt rationem seminalem seu virtutem et sic deus dedit materiae quaedam influxum seminalem ex quo consurgunt individua Alia tamen non est eo modo educibilis scilicet de materiae potentiae sed in fruitione divina sicut beatus augustinus dicit Alia infundendo creatur et creando infunditur et hoc est contra oppinionem alexandri qui ponit eam esse de materiae potentia educta

5a conclusio adam fuit formatus extra paradisum scilicet in dama?no campo de limo terrae

6a conclusio est de paradixo scilicet terrestri de quo sunt 3es oppiniones dicit una quod corporalis est / alia quod spiritualis alia quod mixtus ex naturis ambabus 3a tenetur et dicitur quod est usque ad lunarem globum attingens

7a conclusio in paradiso erat lignum vitae talem proprietatem habens quod in vita hominem erat conservans sed post adae praevaricationem vocatum ligendi scientiae boni et mali / quia post ipsum casum adam habuit scientiam et experientiam boni et mali et sic sit dictum