Lectio 81, de Caritate

probatur propositio primo quo ad eius primam partem nam forma substantialis in suo subiecto est tamquam motor in suo subiecto quantum ad habitudine ipsius formae ad subiectum ut est motrix constat spiritum sanctum movere eam vel eam supplere modo hoc reducitur ad aliquod genus causae si efficientis unde se solo sufficit movere animam

Item se solo sufficit producere actum ipsius igitur ad quaecumque actum spiritus sanctus potest se solo et per consequens caritas absolute et de pro se non requiritur

Item divina acceptatio est interior actus et causa sufficiens ad hoc quod creatura sequatur vel mereatur salutem patet nam eo ipso digna est ad hoc modo voluntas quae sive sua acceptatio est independens quia ab aliqua beatitudo creata non deppendet igitur etc

Item ante determinatione ecclesiae non erat possibile quod caritas esset aliud quam spiritus sanctus / tamen videtur velle magister quod sit donum creatum ut patet in sententiarum in multis locis Ex quibus patet quod de potentia dei absoluta creatura erit in gratia absque dono creato

2a pars propositionis patet

Ex quo inferuntur aliqua corollaria primum est quod caritas potest denominari omnes species virtutis evidenter ut sit prudentia fortitudo temperantia etc et causaliter et eminenter continens et sufficeret ad exeundum in actum / Et hoc roboratur per beatum augustinum in modo libro de moribus ecclesiae qui potest caritatem vel amorem etiam in quolibet virtutis actu

Unde sequitur primo quod realiter sit cognitio probatur quia inmediate potest una cum prudentia sive in habitu eius et per consequens est habitus positivus ymmo potest vocari prudentia et aliae virtutes / et hoc videtur velle baptissimus iohannis in canonica sua unde dicit quod caritas est "unctio docens de omnibus"

Si tam de speculationibus quam de eligibilibus

Ulterius sequitur quod in habitu caritatis relucent veritates credendorum nam ipsa caritas potest in actu cuiuslibet virtutis igitur etc et licet non exeat se sola quia deus non ordinavit sine fide et spe / nihilominus ex parte sui posset exire in actu credendum et haec non ita miracula sicut ponere fidem etiam amorem

Ulterius sequitur quod credendi facilitas ex intentione caritatis mi?x habet originem patet satis quonima de credendis anima magis faciliter

Ex quo sequitur quod medicina infirmorum est caritas circa fidei difficiles articulos ut est in materia praedestinationis trinitatis et aliarum Et licet anima in ipsis patiatur recurrat ad felicem caritatem et gratam reperiet eum solatricem atque sibi propinabit summam sive infirmitati medicinam

Ulterius sequitur quod simplex persona caritate informata realiter est virtuosior quouis philosopho extra caritatem existente patet quia virtutem excellere respectu cuiuscumque ubi habet modo talis non reperitur in philosopho non abstante quod quasi infinita sciat huiusmodi philosophus igitur etc

Confirmatur hoc etiam de parvis noviter baptizatis nam quilibet talis virtuosior in centuplo quolibet tali praedicto philosopho Item patet haec etiam esse noviter c?f? conversis ad fidem non obstante quacumque malitia sua p?via Lucide patet etiam per apostolum quod caritas est virtutum omnium radix "nam si omnem scientiam habuero dicit ipse et sensum prophetiae etc ineffabilia caritatem autem non habeam nihil sum"

Ex quo sequitur ulterius quod pro quocumque regimine scilicet tam cuilibet quam spirituali caritas est aptissima primo de regimine animae satis deductum est quia ipsa omnes virtutes continet et facit virtutes inferiores obedire superioribus et hoc maxime regimini cuilibet competat quod scilicet inferiores gentes suo principi et aliis suis superioribus obediant Caritas etiam excludit tyrranidem principere quia non quaerit quae sua sunt non est ambitiosa etc sed tyrannus quaerit aliena et sua multiplicare sine causa modo caritas non sit

Ex quo sequitur quod in ambobus regiminibus debet attendi ad caritatem virtutum matrem sectanda patet etiam quia est docens omnem prudentiam

Item obicit res et qualiter se habent secundum debitum ordinem sicut deum repraesentat praecise nisi paternalis obligatio sit ad oppositum Et sic in divina per caritatem factam ad exequendum sunt facilia sed ad oppositum stat cupiditas in stignans ne exerteantur ipsa mente

Unde potest inferri de scismate nunc currente scilicet anno nonagesimo 2a quod maxima ipsius scismatis dissolutio esset caritatis apprehensio sed quia frequens cupiditatis regnat adeptio in utraque politia tam civili quam spirituali recessit caritas quia inter ipsas esset maxima a?ppo?

Ex quo sequitur quod si vellemus pacem oporteret primitus cupiditate qua magnates se maxime se dantur qua pro? a caritate separantur

Ex quo sequitur ulterius quod omnis actio debita caritate non producta sortitur aliquam difformitate patet per praedicta quia sine ipsa non rectificatur / Et etiam omnis operatio extra caritate vel peccatum saltem veniale

Ulterius sequitur quod operationes sic procedentes vel nullum generant habitum vel habitus sive actus non sunt sicut moraliter Sequitur etiam quod voluntas potest producere actum eiusdem speciei sine caritate et hoc est dictum superiori et etiam circa materiam praedestinationis

Ulterius sequitur quod difficultas cognoscendi esse in caritate non consurgit ex habitudine productionis actuum similium sublata caritate sicut aliqui sunt ymaginati et hoc est ex radice cupiditatis ignorantiam generantur in nobis / unde constat quod aliquis putet esse in caritate et tamen non et nihil putabit se summe diligere deum / et sic latentes sed si haberet actum caritatis posset conclusione se esse.

Sequitur ulterius caritas nedum est sanitiva sed est sanissima super omnem facultatem

Et proportionaliter sicut in materia fidei dicta fuerit multa laudatoria possent etiam hic aptari idcirca ad ea si velit recurrere recui?tis unde tenendum est quod impossibile est caritatem in aliquem pravum actum exire