Caput 116

CAPUT CXVI. De reconciliatione proximi.

Sequitur de reconciliatione proximi : Cum enim illo die communicare omnes debemus, si cum aliquo discordes fuerimus, necessario oportet ut ipsum nobis reconciliemus. Alioqui certe judicium nobis sumeremus, quod eleganter a minori probari potest, juxta illud evangelicum : Si offers munus tuum, etc. (Matih. v). Unde est quod sacerdos diebus Dominicis postquam concionem absolverit, teneatur populo Orationem Dominicam, et fidei articulos vernacula lingua exponere. Ex qua etiam eausa fit, quod Oratio Dominica alta voce in missa cantetur, ut omnes eam addiscant, et hinc ad conciliationem proximi admoneantur. Tota hac pas^hali septimana aequum foret ut, nisi aliter modo usus obtineret, hoc pacto unumquemque salutaremus, videlicet HResurrexit Dominus (Matth. xxvm), et qui ita salutatus esset responderet, Deo gratias, datis sibi mutuo osculis in signum dilectionis et charitatis.